अर्को महाअभियोगको तयारीमा एमाले

काठमाडौं, वैशाख १८ – प्रधानन्यायाधीश सुशिला कार्कीमाथि अचानक महाअभियोगको प्रस्ताव दर्ता भएपछि तरंगित भएको राजनीति अझै तरंगित हुने देखिएको छ ।

मुख्य विपक्षी एमालेले अहिले कायममुकामयम प्रधानन्यायाधीश रहेका सर्वोच्चका बरिष्ठतम न्यायाधीश गोपालप्रसाद पराजुलीमाथि पनि महाअभियोग लगाउने गोप्य गृहकार्य गरेसँगै राजनीतिमा थप तरंग देखिने भएको हो।

एमाले उच्च श्रोतले अति संक्षेपमा उज्यालो अनलाइनलाई दिएको जानकारी अनुसार कायममुकायम प्रधानन्यायाधीश पराजुलीमाथि महाअभियोग दर्ता गराउनेबारे परामर्श भइरहेको छ ।

कांग्रेस र माओवादी केन्द्र मिलेर प्रधानन्यायाधीश कार्कीमाथि लगाइएको महाअभियोग निरंकुशताको पूर्वाभ्यास भएको प्रतिक्रिया दिएको एमालेले पराजुलीमाथि नागरिकता र शैक्षिक योग्यताको कागजात कीर्ते गरेको दावी गर्दै अभियोग लगाउने तयारी गरेको हो । एमालेले पराजुलीमाथि महाअभियोगको तयारी गरिरहेको हो ? उज्यालो अनलाइनको प्रश्नमा एमाले उच्च श्रोतले भन्यो, ‘अहिलेलाई यत्ति बुझ्नुस केही न केही भइरहेको छ ।’

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.