महाअभियोग लागेपछि सुशीला कार्कीले के भनिन् ? देउवा र प्रचण्डलाई कडा चुनौति

काठमाडौं, १७ वैशाख । प्रधानन्यायाधीश सुशीला कार्कीले आफूमाथि लागेको महाअभियोगको डटेरै सामना गर्ने प्रतिक्रिया दिएकी छन् ।

आइतबार साँझ सञ्चारकर्मीलाई संक्षिप्त प्रतिक्रिया दिँदै कार्कीले आफूलाई कांग्रेस र माओवादी केन्द्रले खराब आचरण गरेको भनेर महाअभियोग दर्ता गरेको स्मरण गर्दै पुष्टि गरेर देखाउन चुनौति पनि दिइन् ।

 ‘मैले कहिल्यै पनि न्यायप्रतिको निष्ठा र इमान्दारितामा सम्झौता गरेकी छैन्,’ उनले भनिन्– ‘म माथि लगाएको आरोप पुष्टि गरेर देखाउन ।’

उनले आफूले कुनै गल्ती नगरेको, घुस लिएर, कसैको दबाब र प्रभावमा परेर फैसला नगरेको स्पष्ट पार्दै महाअभियोग दर्ता भयो भन्दैमा डराएर नबस्ने बताइन् । महाअभियोगको जमेर सामना गर्ने उनको दृढता छ ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.