News-Taja

Monday, May 29, 2017

Garatantra diwas in nepal

Shakya vanquished his nearest match Raju Raj Joshi of the Nepali Congress by more than 19,000 votes as the last aftereffects of the nearby level surveys hung on May 14 were out on Sunday.

Shakya accumulated 64,913 votes against Joshi’s 45,269. In the neighborhood body decisions held toward the end in 1997, UML’s Keshav Sthapit was chosen the chairman.

Conceived in Lagan Tole of Kathmandu in 1963, Shakya was chosen twice as the executive of KMC-21. This time around, Shakya secured a record 87 percent votes from his ward.

NC applicant Hariprabha Khadgi won the KMC agent leader’s post. Khadgi vanquished Rastriya Prajatantra Party competitor Raja Ram Shrestha, who was upheld by the UML, with a gigantic edge.

Different contenders in the mayoral race, Bibeksheel Nepali’s Ranju Darshana Neupane got 23,439 votes, and Sajha Party’s Kishore Thapa secured 18,492 votes.

CPN (Maoist Center) applicant Sarbottam Dangol came fourth in the race with 7,906 votes. Agent leader choose Khadgi collected 58,952 votes, against 34,854 of the RPP competitor while Sajha Party’s Nirupama Yadav got 11,533 votes and CPN (Maoist Center’s) Sushila Poudel secured 10,448 votes.

A sum of 197,227 votes were thrown in the entire of KMC. The UML has won 18 ward seats, trailed by 14 of the NC.

Shakya vanquished his nearest match Raju Raj Joshi of the Nepali Congress by more than 19,000 votes as the last aftereffects of the nearby level surveys hung on May 14 were out on Sunday.

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.

दोस्रो चरणको चुनाव सर्यो, असार ९ गते गर्ने सरकारको निर्णय

१५ जेठ, काठमाडौं । अन्ततः सरकारले स्थानीय तहको दोस्रो चरणको निर्वाचन सार्ने निर्णय गरेको छ । आज बसेको मन्त्रीपरिषद्को बैठकले जेठ ३१ गतेका लागि तोकिएको निर्वाचन असार ९ गते गर्ने निणय गरेको हो ।

मधेश केन्द्रित राष्ट्रिय जनता दल नेपाललाई सहभागी गराउन शीर्ष तहमा भएको सहमति अनुसार सरकारले मिति सारेको हो । हिजो बालुवाटारमा भएको प्रतिपक्षी एमाले र राजपासहितको बैठकमा मिति सार्ने विषयमा सैद्धान्तिक सहमति भएपछि आज सरकारले यस्तो निर्णय गरेको हो ।

यो निर्णयसँगै राजपा चुनावमा आउने अपेक्षा सरकारले गरेकाे छ ।

Write Comment Below:

अचम्म भो ! यही जीवनमा अर्को जुनी पाएँ : माधवप्रसाद घिमिरे

अर्घेलो थापा आइतवार राति सामाजिक सञ्जालमा एकाएक राष्ट्रकवि माधवप्रसाद घिमिरेको निधनको हल्ला फैलियो । दश मिनेटमै उक्त खबर सामाजिक सञ्जालबाटै भाइरल भयो ।

गृहमन्त्री विमलेन्द्र निधिसमेतले घिमिरेप्रति श्रद्धाञ्जली लेखेपछि आशंका थपिने नै भयो । तर सामाजिक सञ्जालमा भएको त्यो सनसनीपूर्ण हल्लाबारे राष्ट्रकवि स्वयं भने बेखबर थिए । सोमवार बिहान उठेपछि मात्र घिमिरेले हल्लाबारे जानकारी पाए ।

सोमवार मध्याह्न लैनचौरस्थित निवासका पुग्दा राष्ट्रकवि घिमिरे शुभेच्छुकहरूसँग भलाकुसारी गरिरहेका थिए । आइतवार अबेला फैलिएको अफवाहका कारण शुभेच्छुक र साहित्यकारहरू राष्ट्रकवि घिमिरेको अवस्था बुझ्न निवासमै पुगेका थिए ।

बिहान उठ्नासाथ राष्ट्रकविकी धर्मपत्नीले मुस्कुराउँदै कविलाई सुनाइन् – ‘हजुरको आयु बढ्यो !’

एकछिन कवि अलमल्ल परे । तर परिवारले हिजो रातिको सम्पूर्ण घटना सुनाएपछि चाहिँ उनी आश्चर्यमा परे । घिमिरे यो घटनालाई जिन्दगीकै अविस्मरणीय घटनाका रूपमा लिन्छन् ।

‘बिहान उठ्दा आफैं मरेको खबरले खलबल पार्नु मेरा लागि नौलो कुरा हो,’ कवि घिमिरेले सोमवार मध्याह्न आफ्नै निवासमा लोकान्तरसँग भने, ‘साहित्य लेखेकै आधारमा मैले यति धेरै श्रद्धा पाएको रहेछु भन्ने कुराको बोध भयो । म आश्चर्यमा परें ।’

छेउमा उभिएका उनका छोरा राजीव घिमिरेले थपे, ‘हामीले त बुवालाई बिहान उठेर सुनाएका थियौं । उहाँले दुःख मान्नुभएन ।’

घिमिरेले उमेरको शताब्दी पूरा गर्न अब डेढ वर्ष बाँकी छ । राष्ट्रकविको उपाधि पाएका यी पुराना कवि अहिले महाकाव्य ‘ऋतम्भरा’ लेखिरहेका छन् । स्वस्थ छन् तर कान अलिक कम सुन्छन् ।

बुढेसकालले केही निर्बल पनि बनाएको छ उनलाई । तर उनी थाकेका छैनन्, त्यसैले त महाकाव्य सक्ने तरखरमा छन् ।

‘अरू सबै अनुभव गर्न पाएपनि आफ्नै मृत्युको अनुभव गर्न चाहिँ नपाइने । तर मैले आज त्यो पनि अनुभव गर्न पाएँ,’ स्वादिलो हाँसो हाँस्दैै उनले सुनाए, ‘हिजो राति खलबल भएछ । परिवारले मलाई बल्ल आज बिहान सुनाए ।’

यसरी आफ्नो अनुभव सुनाइरहँदा उनको मुहारको आभा अझै उज्यालो देखिएको थियो ।
त्यसो त राष्ट्रकविले मृत्युसम्बन्धी एउटा गीत पनि लेखेका छन् । स्वरसम्राट् नारायणगोपालले गाएको उक्त गीतको बोल छ : ‘आजै र राति के देखें सपना मै मरी गएको’ । तर अहिले राष्ट्रकविले मृत्युको सपना देखेनन्, कसैले उनको मृत्युको अफवाह फैलाइदियो ।

आखिर आफ्नै मृत्युको खबर सुन्दा पनि उनलाई किन दिक्क लागेन त ?

जीवित छँदै आफ्नो मृत्युको अनुभव कसले गर्न पाउँछ ? यस्तो सौभाग्य सबैले कहाँ पाउँछ र ? घिमिरेले आभारका साथ सुनाए, ‘नेपालीहरूले मप्रति कस्तो सद्भाव राख्दा रहेछन् भन्ने नजिकबाट नियाल्न पाएँ ।

उनले फेरि थपे, ‘यो सुखद घटना हो ।’

‘कसैले जीवनमा घटित कुनै घटना सुनाउनुस् न भनेर सोध्यो भने सबभन्दा पहिले यही सुनाउनुपर्छ । म मरेको कुरा मलाई नै थाहा भयो’, उनले सुनाइरहेका थिए ।

घिमिरेलाई आफ्नो मृत्युको खबरले कसैलाई फाइदा नहुने हुनाले स्वार्थका लागि फैलाएको हल्ला होइन भन्छन् । ‘सकारात्मक सोच्यो भने यसलाई पनि राम्रै मान्नुपर्छ । फेसबूकमा हल्ला फैलाउनेले मलाई मार्न खोजेका होइनन्, अब के हुने रैछ भनेर अनुमान गर्न खोजेको हुनुपर्छ ।’

उनी हाँसे । छेउमा बसेर बुवालाई साथ दिइरहेका छोरा राजीव पनि हाँसे ।

सामाजिक सञ्जालबाट कहिलेकाहीँ यस्ता हल्ला फैलिएपनि उनी सामाजिक सञ्जाललाई भने पूर्णतः सकारात्मक रूपमा लिन्छन्, ‘इन्टरनेटले टाढा भएका मान्छेसँग पनि मज्जाले कुरा गर्न पाइएको छ । पहिले त यस्तो सुविधा कहाँ थियो र ?’

छोराले भने, ‘बुवाले खाना खानुभएको छैन । खाना खाने बेला भयो ।’

किचन जानुअघि साह्रै घतलाग्दो हाँसो हाँस्दै राष्ट्रकविले कविता सुनाए :

अचम्म भो, अचम्म भो, अचम्म भो
मैले नेपालीको माया पनि पाएँ
यही जुनीमा अर्को जुनी पाएँ

जाँदाजाँदै उनले थपे, ‘अब यही घटनामा एउटा कविता लेख्छु ।’
श्रोत : लोकान्तर

Write Comment Below:

भरतपुर काण्डः काँग्रेसले बल्ल मुख खोल्यो

चितवन, १५ जेठ । नेपाली काँग्रेस चितवन शाखाले भरतपुर महानगरपालिका वडा नं १९ मा मतपत्र गणनाको क्रममा च्यातिएका मतपत्रका सम्बन्धमा पुनः मतदान गर्न माग गरेको छ ।

काँग्रेसको चितवनको बैठकपछि आज एक विज्ञप्ति जारी गर्दैै नेपाली काँग्रेसले निर्वाचन ऐन, २०७३ को दफा ४९ र ५० बमोजिम पुनः मतदानको माग गरेको जिल्ला सभापति जितनारायण श्रेष्ठद्वारा हस्ताक्षरित विज्ञप्तिमा उल्लेख छ ।

राति मतगणना भइरहेको अवस्थामा भएको घटनाको खेद व्यक्त गर्दै सो पार्टीले घटनाबारे छानबिन गर्न र दोषीमाथि कारबाही गर्न समेत माग गरेको छ । पटक पटक मतगणना व्यवस्थित गर्न माग गर्दा व्यवस्थित चासो नदेखाएकाले उक्त घटना भएको काँग्रेसको निष्कर्ष छ ।

विज्ञप्तिमा भनिएको छ – ‘वडा नं १९ को मतपरिणामलाई असर गर्ने गरी मतपत्र च्यातिएको हुँदा स्थानीयतह निर्वाचन ऐन, २०७३ को दफा ४९ र ५० बमोजिम पुनः मतदान गर्नसमेत जोडदार माग गर्दर्छौं ।’

गएराति ११ः४४ बजे भरतपुर महानगरको मतगणनास्थलमा मतपत्र च्यातिएपछि अहिले मतगणना स्थगित भएको छ । महानगरका २९ वटा वडामध्ये २७ वटा वडाको मतगणना भइसकेको छ । वडा नं १९ को मतगणना हुँदाहुँदै मतपत्र च्यातिएको थियो भने २० नंको मतगणना गर्न बाँकी छ । रासस

Write Comment Below:

दोस्रो चरणको स्थानीय तहको निर्वाचन असार ७ कि १० गते भन्नेमा विवाद

काठमाडौं, १५ जेठ । मधेस केन्द्रित दल राष्ट्रिय जनता पार्टी नेपाल दोस्रो चरणको स्थानीय तहको निर्वाचनमा सामेल हुने भएपछि जेठ ३१ गते निर्वाचन नहुने निश्चित जस्तै भएको छ । तर, असारमा कृषकहरू खेतबारीमा व्यस्त हुने भएकाले कति दिन निर्वाचनको मिति सार्नेन भन्नेमा प्रधानमन्त्री पुष्पकमल दाहाल प्रचण्ड नै अन्योलमा परेका छन् ।

आइतबार राति प्रधानमन्त्री निवास बालुवाटारमा बसेको कांग्रेस, एमाले, माओवादी केन्द्र र राजपा नेताहरूको बैठकमा प्रधानमन्त्री प्रचण्डले एक साता निर्वाचनको मिति सार्नुुपर्ने प्रस्ताव गरेका थिए । तर, राजपाले कति दिन सार्ने भन्ने विषयमा कुनै निर्णय नदिएपछि दोस्रो चरणको निर्वाचनको मिति अन्योलमा परेको छ । सरकारले निर्वाचनको नयाँ मिति तोकेपछि निर्वाचन आयोगले त्यसलाई औपचारिकता दिने व्यवस्था छ ।

राजपा अध्यक्ष मण्डलका सदस्य राजेन्द्र महतोले असार १० गते निर्वाचन गर्नुपर्ने प्रस्ताव गरेका थिए । तर, सो समय तराई मधेसमा रोपाईको मध्यसिजन भएकाले सत्तारुढ दल र प्रमुख प्रतिपक्षी दलले कुनै निर्णय गरेका छैनन् । माओवादी केन्द्रका नेता नारायणकाजी श्रेष्ठले असार ७ गते निर्वाचन गर्न सकिने बताएका छन् । तर, मधेस केन्द्रित दल अझै स्पष्ट भइनसकेकाले अन्योल रहेको उनको भनाइ छ ।

प्रधानमन्त्री प्रचण्ड सोमबार गणतन्त्र दिवसको कार्यक्रम, मन्त्रिपरिषद् बैठक र अपराह्न संसदमा बजेट प्रस्तुत हुने भएकाले निकै व्यस्त छन् । जसले गर्दा आज उनले निर्वाचनको मिति सार्न कानुनविद् र मौसमविद्सँग छलफल गर्ने भनिए पनि नहुने भएको छ । आइतबार सम्पन्न चारदलीय बैठक सोमबार पुनः बैठकमा बस्ने गरी टुंगिएको थियो । तर, अहिलेसम्म चारदलीय बैठकको बस्ने कि नबस्ने टुंगो लागिसकेको छैन ।

जेठ ३१ गते मुस्लिम समुदायको रमजान पर्व मध्यतिर पर्ने भएकाले पनि सो दिनको निर्वाचन सार्नुपर्ने भन्दै सरकारलाई एमालेलगायतका दलबाट दबाब बढ्दै आएको थियो । तर, सो दिनको मिति सार्दा निर्वाचन नै अनिश्चित हुने हो कि भन्ने सन्देह उत्पन्न भएको छ । तर, पनि कांग्रेस–माओवादी केन्द्रका नेताहरूले असार ७ या १० गतेभित्र जुनसुकै दिन पनि निर्वाचन गर्नुपर्ने सहमति गरेको माओवादी केन्द्रका एक नेताले बताए ।

Write Comment Below:

एमालेले अब राजधानीलाई सेक्सी काठमाण्डौ बनाउछ केशव स्थापित भिडियो

Believing that news is for everyone and all the people have an equal right to receive true and factual information at anytime, anywhere.We are a team of dedicated, vibrant, professional, experienced and energetic people putting our efforts to set new dawn in the field of online journalism.

We aim to bring the reality accessible for all and bring the people together for social, economical and political transformation. We are also committed to bring the news instantly when it crops out.

We also evaluate and provide comprehensive reporting and commentary on the politics, business, culture, travel, fashion, sports and education of Nepal in an attractive and elegant manner. Our online site is a medium to unite the Nepalese people residing in every nook and corner of the world.

Write Comment Below:

माओवादीले मतपत्र च्यातेको स्वीकार्यो, रेणुले सार्वजनिक गरेको तस्बिरले जनकपुरबासी आक्रोशित

भरतपुर महानगरको मत गणनामा कांग्रेस–माओवादी गठबन्धनकी उम्मेदवार तथा प्रधानमन्त्री पुत्री रेणुले धेरै भोट पाउने आशा गरेको वडा नम्बर १९ मा सोचेजति भोट नआएपछि रेणु चुनाव हार्ने पक्का निश्कर्षमा पुगिन् । त्यसैबेला खानका लागि ब्रेक गर्ने नाममा मतगणनाका माओवादी प्रतिनिधि अन्य नेताहरुसँगै दुई घन्टा गोप्य बैठक बसे ।

फेरि मत गणना सुरु गर्दा माओवादीका मतदान प्रतिनिधिहरुले मतपत्र च्याते । उनीहरुलाई प्रहरीले मतपत्र च्यातिरहेकै ठाउँबाट रंगेहात पक्राऊ गर्यो । चुनाव हार्ने निश्चित भएपछि मतपत्र च्यातिएको बहान बनाएर भए पनि मतदान दोहोर्याउने माओवादीको योजना थियो । सोही अनुसार उनीहरुले मतपत्र च्यातेका थिए ।

मतपत्र च्यातेर ठाउँका ठाउँ पक्राऊ परेका छन् माओवादी नेता । तर, प्रधानमन्त्री पुत्री रेणुले बाहिर अर्कै प्रचार ल्याइन्– ‘मैले जित्ने देखेर एमालेका साथीहरु अत्तालिए ।’ एमालेका साथीहरु अत्तालिएर माओवादी नेता मत च्यात्दा च्यात्दै पक्राऊ परेका हुन् ? रेणुसँग यसको जवाफ छैन ।

लोकतान्त्रिक प्रणालीलाई स्वीकार नगर्ने माओवादीले यतिसम्म गर्नुलाई दुनियाँले अन्यथा ठान्दैनन् । तर, भरतपुरको हकमा जनताको मत च्यात्ने लोकतन्त्र विरोधी कामको मतियार कांग्रेस नेतृत्व पनि बनेको छ । पुनः मतदानको बखेडा झिक्न आफैंले मतपत्र च्यात्ने काम गरेपछि रेणुले माओवादी कार्यकर्ता मार्फत एमालेले मतपत्र च्यातेको प्रचार गराउन लगाइन्, जुन प्रचार झुठ भएकाले टिक्न सक्ने अवस्थामा थिएन । टिकेन पनि ।

सञ्चार माध्यममा मतपत्र च्यात्ने माओवादी नेता पक्राउ परेको तस्बिर आयो । यसले प्रधानमन्त्री पुत्रीलाई खपिनसक्नु भयो । त्यसपछि एमालेले मतपत्र च्यातेको तस्बिर बाहिर ल्याउने आइडिया निकाल्यो । तर, माओवादीको त्यो आइडियाले माओवादी नेतृत्व झन् नराम्रोसँग फस्न पुग्यो ।

केही समयअघि प्रधानमन्त्री पुष्पकमल दाहाल जनकपुर जाँदा त्यहाँका स्थानीयले उनीमाथि कालो झण्डा देखाएका थिए । सोही क्रममा प्रहरीले त्यहाँका स्थानीय युवाहरुलाई पक्राऊ गरेको थियो । त्यो तस्बिर प्रयोग गरेर माओवादीले एमालेले मतपत्र च्यातेको र प्रहरीले पक्राऊ गरेको भनी तस्बिर सार्वजनिक गर्यो । त्यसले अझ उल्टो असर माओवादीलाई नै किन पर्न गयो भने तस्बिरमा चितवनमा एमाले कार्यकर्ता पक्राऊ परेको भनी पोष्ट गरिएको भए पनि त्यही तस्बिरको पृष्ठभूमिमा जनकपुर लेखिएको साइनबोर्ड देखियो ।

जनकपुरको तस्बिर प्रयोग गरेर मतपत्र च्यात्ने एमाले कार्यकर्ता भन्ने माओवादीले भ्रम दिन खोज्दा जनकपुरका युवाहरु आफ्नो बदनाम गरिएको भन्दै आक्रोशित भएका छन् । जनकपुरका युवा संजिवकुमार झाले त माओवादीले प्रयोग गरेको तस्बिर आफ्नो फेसबुकमा पोष्ट गरी माओवादीले जनकपुरवासीको अपमान गरेको भनी टिप्पणी गरे । जनकपुरका सरोज मिश्र र जितेन्द्र महासेठले प्रधानमन्त्री दाहाललाई कालो झण्डा देखाउँदा प्रहरीले पक्रेको तस्बिर राखेर भरतपुरमा एमाले कार्यकर्ताले मतपत्र च्यातेको प्रचार गरिएको भन्दै उनले खेद ब्यक्त गरे ।

माओवादीद्वारा मतपत्र च्यातेको स्वीकार

मतगणनास्थलमा उपस्थित माओवादी प्रतिनिधि मधु न्यौपाने र द्रोण सिवाकोटीले मतपत्र च्याते पनि आफूले नभएर एमालेले च्यातेको दावी गर्दै आएको माओवादी र कांग्रेसको गठबन्धनले घुमाउरो तरिकाले आफैंले मतपत्र च्यातेको स्वीकार गरेका छन् । वडा नम्बर १९ मा आफूले सोचेजति भोट नआउने प्रष्ट भएपछि पुनः मतदान गराउने रणनीति अनुरुप मतपत्र च्यात्ने निश्कर्षमा पुगेको माओवादी र कांग्रेसले पुन मतदान गर्न माग गरेका छन् ।

चक्रपथअनलाइनबाट

Write Comment Below:

हिमाली बाबैको कथाः ३२ वर्षदेखि बाटो बनाउँदै ! सम्मान स्वरूप सक्दो सेयर गरौँ

सोलुखुम्बु– अनुहारमा बुढेसकाल झल्किएको छ । गाला पूरै चाउरी परिसके । आँखा पनि उतिसारो देख्दैनन् उनी । ७९ वर्षका पासाङ शेर्पा (लामा सेरु) लाई भने बुढ्यौलीले छोए जस्तो रत्तिभर लागेको छैन । त्यसैले त उनी बाटोमा बसेर चन्दा उठाउँछन् । चन्दाबाट बाटो बनाउने काममा निरन्तर छन् ।

७९ वर्षे उमेरमा पनि चन्दा उठाएर बाटो बनाइरहेका छन् लामा सेरु, ०४१ सालदेखि बाटो बनाउन थालेका उनले खुम्बु क्षेत्रमा करिब ४० किमी बाटो बनाइसके ।

‘उमेरले बुढेसकाल लागे पनि मेरो तन र अभियानले बुढेसकाल लाग्यो भन्दैन’, शेर्पाले भने, ‘एक मुठ्ठी सास रहुन्जेल पनि तपाईंहरूले मलाई यसरी नै बाटोमा बसेर मागिरहेका देख्नुहुनेछ ।’ लुगाफाटा मैला लगाएका छन् । बाटोमा चन्दा बाकस राखेका छन् । बाटो हिँड्ने जोकसैलाई पनि उनी भनिरहन्छिन्, ‘सकेको सहयोग गर्नुस् । यो मेरा लागि होइन तपाईंहरूकै लागि हो ।’

मागेर उनी अरुकै लागि काम गरिरहेका छन् । हजारौं पर्यटक हिँड्ने खुम्बु क्षेत्रको बाटो बनाउँछन् । त्यसैले त उनले किन मागिरहेका छन् भनेर चन्दा बाकस वरपर राखेका सूचना बोर्ड पढिरहन पर्दैन । नाम्चेबाट त्याङ्बोचेतिर, फोरिचेतिर जाँदा देखिन्छ उनको काम ।

तल पर्खाल लगाएर उठाइएको । माथितिर पनि पर्खाल लगाइएको । फराकिलो अनि समथर पनि । अधिकांश ठाउँमा ट्याक्सीलगायतका साना गाडी गुडाउन मिल्ने । ग्राभेल सडक जस्तो । तर यो सडक नभएर पदैल मार्ग हो । साँघुरो, खल्ड्याङखुल्डुङ बाटो हिँडेका पर्यटक तथा गाइडले यो मार्ग हिँड्दा लामा सेरुलाई सम्झन्छन् । अनि धेरथोर चन्दा सहयोग पनि ।

चन्दाबाट उनले दिङ्बोचेदेखि फुगिथेंकासम्मको करिब १४ किलोमिटर बाटो बनाए । फेरिचेदेखि एभरेस्ट बेसक्याम्पसम्मको करिब ५ किलोमिटर बाटो पनि बनाए । अहिले उनी नाम्चे–त्याङ्बोचे हुँदै दिङ्बोचे जोड्ने अभियानमा छन् । यो बाटोको दुरी करिब २० किलोमिटर छ । ‘अब यो बाटो सक्न धेरै बाँकी छैन’, उनले भने, ‘एकदुई किलोमिटर होला । यही वैशाखभित्र सकिन्छ होला । त्यसपछि अर्को ठाउँमा अभियान सुरु गर्नेछु ।’

खुम्बु क्षेत्रको बाटो मर्मतमा उनी २०४१ सालदेखि खडा भएका हुन् । बाटो बनाउँदै जाँदा उनको नामसमेत परिवर्तन भएको छ । अहिले उनलाई धेरैले लामा सेरु भनेर चिन्छन् । सदरमुकाम सल्लेरी नजिकैको काकुबाट खुम्बु क्षेत्र उक्लिएर निरन्तर बाटो बनाउने अभियानमा जुटेका हुन् उनी ।

उनी सुरुमा ट्रेकिङ पेसामा थिए । पर्यटक लिएर खुम्ब घुमाउन लैजान्थे । ‘त्यसबेलाको अप्ठ्यारो बाटो देखेर कुन बेला हामी नै लडेर मरिने हो किन भनेझैं हुन्थ्यो’, उनले सुनाए, ‘झन् पर्यटकलाई कस्तो हुँदो हो । त्यसैले पर्यटक घुमाउनु भन्दा बाटो बनाए धेरै पर्यटकलाई सजिलो होला भन्ने लागेर यो अभियान चालेको हुँ ।’

सगरमाथा राष्ट्रिय निकुञ्जको स्वीकृति लिएरै बाटो बनाउन लागेका उनी केही वर्षयता भने आफैं गंैती, साबेल लिएर बाटो बनाउन सक्ने अवस्थामा छैनन् । स्वास्थ्यस्थितिले गर्दा उनले अहिले दुई जना मान्छे राखेका छन् । उनीहरूले बाटो बनाउने काम गरिरहेका गर्छन् । यी दुई जनालाई पनि चन्दाबाट उठेको रकम पारिश्रमिक दिन्छन् । दैनिक तीन पटक खाएर ९ सय रुपैयाँ एक जनाको ज्याला छ ।

सर्वोच्च शिखर सगरमाथा क्षेत्रमा बर्सेनि हजारौं पदयात्री र आरोही जान्छन् । सोही बाटो भएर जाने पर्यटक र गाइडहरूको स्वेच्छिक सहयोगले ज्याला रकम उठ्ने गर्छ । ‘रकम कति उठ्छ हिसाब रोखेको छैन’, लामा सेरुले भने, ‘मेरो गुजारा यहाँबाट चलाएको छु अरू एक रुपैयाँ पनि हिनामिना भएको छैन ।’

उसो त रकम दिनेहरू पनि हिनामिना भयो कि भनेर शंका गर्दैनन् । ‘हामीलाई उनीमाथि थोरै पनि शंका छैन’, हरेक वर्ष पर्यटक लिएर खुम्बु क्षेत्रमा पुग्ने पेम्दोर्जी शेर्पा भन्छन्, ‘सक्दा उनी आफैं बाटो बनाउन खट्थे । नसक्दा उनी मान्छे लगाएर काम लगाइरहेका छन् । मान्छे हिँड्न नसकिने बाटो ट्याक्सी गुड्न सक्ने बनाएका छन् । उनीमाथि शंका गर्नु आवश्यक छैन ।’ पेम्दोर्जी मात्रै होइन सजिलो बाटोमा आफू र आफूले घुमाउन लगेका पर्यटकलाई सजिलो बाटोमा हिँडाउन पाएपछि खुलेरै सहयोग गर्दै आएका छन् उनको कार्यलाई ।

‘विदेशीलाई पनि उनको कामका बारेमा बुझाएर सहयोग गर्न लगाउने गरेका छौं’, पर्यटक गाइड छिरी शेर्पा भन्छन्, ‘उनले साँच्चिकै काम गरेका छन् । उनलाई सरकारले पनि केही गर्नुपर्छ ।’ नाम्चेका पर्यटन व्यवसायी पासाङ शेर्पा पनि उनले खुम्बु क्षेत्रको बाटो बनाएर पर्यटन तथा सर्वोच्च शिखर जाने आरोहीलाई सहज बनाउने काम गरेको बताउँदै सरकारले उनको योगदानको कदर गर्नपर्ने बताउँछन् । श्रोत: नागरिक न्युज

Write Comment Below:

कांग्रेस प्रवेश गर्दै गच्छदार, महामन्त्री बनाउन देउवा तयार

काठमाडौं, जेठ १५ । फोरम लोकतान्त्रिकका नेता विजयकुमार गच्छदार अहिलेसम्म सबैभन्दा धेरै पटक मन्त्री बन्ने नेताको रुपमा पनि उनलाई चिनिन्छ । गच्छदार ब्यक्तिगत फाइदाकै लागि धेरै पटक सरकारमा गएको भनी उनकै निकटस्थ नेता समेत टिप्पणी गर्छन् ।

पछिल्लो पटक सरकारमा प्रवेश गर्ने गच्छदारको शैलीले पनि फेरि आलोचित बनायो । स्थानीय तहको निर्वाचनबारे फरक मत राख्दैआएका उनी उपप्रधान तथा स्थानीय विकास मन्त्री पद पाएपछि नै सरकारमा गए र मौन रहे ।

नेपाली कांग्रेसको राजनीतिबाट उठेका गच्छदार तराई मधेस लोकतान्त्रिक पार्टी हुँदै फोरम लोकतान्त्रिकको नेता बने । यसबीचमा उनले गरेका विभिन्न राजनीतिक तालमेल र एकताले पनि पदलोलूप रहेको प्रमाणित गरेका छन् ।

कांग्रेसमा जाने तयारी

गच्छदार सरकारमा जानुको एउटा मुख्य कारण के भने, पछिल्लो समय मधेसमा उनले आफ्नो साख गुमाउँदैआएका छन् । मधेसका जनताले उनलाई आगामी निर्वाचनमा हराइदिनसक्ने संकेत देखेपछि नै उनी सुरक्षित बाटोको खोजीमा लागेको उनी निकट स्रोत बताउँछ ।

तर सरकारको अवधिपछि पनि सांगठनिक रुपमा सुरक्षित हुन गच्छदारले अर्को उपाय रोजेका छन् । त्यो हो कांग्रेस प्रवेश । मधेसमा बलियो मानिने पुरानो शक्ति नेपाली कांग्रेसमा सुरक्षित भएर रहन गच्छदाले पहल थालेका छन् ।

यसका लागि नेपाली कांग्रेसका नेताहरुसँग उनले पछिल्लो केही सातायता त्यस्तो पहल थालेका हुन् । त्यसो त कांग्रेसमा छँदा शेरबहादुर देउवा निकट मानिने गच्छदार फेरि देउवासँग एउटै पार्टीमा बस्न तयार देखिएका हुन् ।

अनौठो त यो छ की, गच्छदार कांग्रेसमा महामन्त्री पदको लागि लवी गरिरहेका छन् । कांग्रेस उच्च स्रोतका अनुसार पछिल्लो समय विमलेन्द्र निधिसँग चिढिएका देउवा पनि गच्छदारलाई महामन्त्रीको रुपमा कांग्रेसमा भित्र्याउन तयार देखिएका छन् । ‘कसरी ल्याउने अनुकुल वातावरण मात्रै हेर्नुभएको छ,’ कांग्रेसका एक नेताले भने, ‘मनोनित महामन्त्रीको रुपमा कांग्रेसमा ल्याउने तयारी देउवाजीको छ ।’

निधि टाढिए देउवासँग

गच्छदारलाई भित्र्याउने देउवाको तयारी देखेकै कारण पनि मधेसका नेता विमलेन्द्र निधि देउवासँग रुष्ट बनेको बुझिएको छ । कांग्रेसका एक नेताले नाम नबताउने शर्तमा भने, ‘गच्छदार सम्भवतः चुनावपछि नै कांग्रेसमा आउँछन् ।’

निधि र गच्छदार एउटै भूगोलका नेता भएकै करण पनि अहिलेदेखि नै टसल देखिन थालेको छ । खासगरी कांग्रेस सभापति देउवाले पछिल्लो समय गच्छदारलाई पार्टीमा महत्वपूर्ण भुमिकासहित प्रवश गराउने देखेपछि नै पछिल्लो समय निधि टाढिएको स्रोत बताउँछ ।

देउवा भने गच्छदारलाई पहिलेदेखि नै विश्वास गर्दैआएका थिए । गिरिजा प्रसाद कोइरालाको नेतृत्वकालमा शेरबहादुर देउवाले पार्टी फुटाएर कांग्रेस प्रजातान्त्रिक बनाएपछि पनि गच्छदार उनीसँगै थिए । प्रजातान्त्रिक र कांग्रेस एकतापछि मधेस केन्द्रित दलमा पुगेका गच्छदार फेरि पुरानै पार्टी फर्किएर सुरक्षित रहने उपाय खोज्न थालेका हुन् । निधिलाई भने गच्छदारको कांग्रेस प्रवेशले असर पार्ने पक्कापक्की देखिएको छ । यही कारण पनि उनी कांग्रेसभित्र फरक ढंगको ‘गुट’ निर्माणमा आकर्षित बनेका छन् ।

Write Comment Below:

नेपाल टेलिकम र एनसेल बीच यस्तो सेटिङ्ग

काठमाडौं, १५ जेठ । ४७ अर्ब रुपैया वार्षिक नाफा कमाई गर्ने प्रस्तावमा नेपाल टेलिकमको प्रवन्ध निर्देशक बनेकी कामिनी राजभण्डारीले अहिले मासिक एक अर्ब नाफा घटाइरहेकी छन् ।

प्रवन्ध निर्देशक राजभण्डारी, प्रवन्धक प्रदिप ठाकुर, पूर्व प्रवन्ध निर्देशक अनुपरञ्जन भट्टराई, पूर्व नायव प्रवन्धनिर्देशकहरु कृष्ण घिमिरे र राजेन्द्र नकर्मीहरुको मिलेमतोमा नेपाल टेलिकमले देशभरका लागि निकट समयमा सञ्चालन गर्नका लागी फोरजी सेवा सञ्चालन गर्ने समिति गठन गर्न समेत ढिलाई गरेको छ । जस्का कारण एनसेलले पुरै बजार लिइसकेपछि मात्रै नेपाल टेलिकमको फोरजी सेवा सञ्चालन हुने गरी प्रबन्धक ठाकुरले एनसेलका वरिष्ठ अधिकारीहरुसँग सेटिङ मिलाएका छन् ।

सेटिङ मिलाउने व्यवस्थाका लागि पनि कर्मचारी

च्यामु भन्ने आठौ तहका एक जना कर्मचारीलाई दलालको काम गर्ने गरी पूर्वप्रवन्ध निर्देशक भट्टराईले एमडीको सहयोगीका रुपमा काम गर्ने गरि राखेका छन् । नेपाल टेलिकममा फोरजी सेवाका लागि भनेर एकसय पच्चिस करोड रुपैयाको भ्रष्टाचार गरिएको छ । तर पटक पटकको उजुरी पश्चात पनि खाली पत्रचार गर्ने बाहेक अख्तियार दूरुपयोग अनुसन्धान आयोगबाट काम हुन सकेको छैन । नेपाल टेलिकममा फोरजीका सेवा सञ्चालनका लागि जेटिइले १२ करोड रुपैयामा प्रस्ताव गरेको भएपनि कमिसनकै कारण हुवावे कम्पनीलाई रोजिएको थियो । अहिले कमिसन उपलव्ध गराउनुपर्ने व्यक्तिहरुको खाता खोलेर सिंगापुरमा रकम जम्मा गरिएको एक जना कर्मचारीले बताए ।

घुमघामका लागि भट्टराईको भरतपुरमा फ्लाट

टेण्डर पारेर काम दिलाएको भन्दै पूर्व प्रवन्ध निर्देशक अनुपरञ्जन भट्टराई हुवावे कम्पनीले तिर्ने गरी जाडो समयमा केहि दिन बस्नका लागि पनि फ्लाट भाडामा लिएका छन् । नेपाल टेलिकममा दलाली गरे बापत पूर्व प्रवन्ध निर्देशक भट्टराईले हुवावेसँग यो काम गर्न लगाएको टेलिकम स्रोतले बतायो । उक्त ठाउँमा उनले कम्पनीका एजेण्टहरुलाई पनि बस्ने व्यवस्था मिलाउने गरेका छन् । उमेरमा डाडो काटेपनि रंगिला भट्टराईले के कामका लागि त्यो स्पेश लिएका हुन त भन्ने प्रश्नमा प्रष्ट बताउन चाहेनन् ।

एक महिनामा लक्ष्य भन्दा एक अर्व कम

राजभण्डारी प्रवन्ध निर्देशक बनेपछि टेलिकमको आन्तरिक अवस्था दिन प्रतिदिन धारासायि बन्दै गएको छ । टेलिकमको आन्तरिक रिपोर्ट समेत डायरी एक्सप्रेस साप्ताहिकले दुई पटक प्रकाशन गरिसकेको छ । सबै वित्तिय सुचांकहरु ऋणात्मक रहेका छन् । बैकिङ तरलताका कारण बैंकमा राखिएको रकमको व्याज बढेर देखिएको नाफा बाहेक कार्य सञ्चालन आयमा पनि माइनस तीनमा, खूद मुनाफामा वृद्धिमा माइनस जिरो प्वाइन्टमा, सम्पत्तिको प्रतिफल वृद्धिमा माइनस दूईमा, प्रति शेयर आय वृद्धिमा माइनस जिरो प्वाइन्ट पच्चिस, ग्राहक संख्या वृद्धिमा माइनस चार प्वाइन्ट बयासी छ । यसरी अन्तर्राष्ट्रय आगमन र बाह्यगमन कलमा पनि राजश्वको लक्ष्य भन्दा तीन दशमलब बाउन्न अरब रुपैया कम हुने देखिएको छ ।

देशभरमा टेलिकमको फोरजी एनसेलको पश्चात

नेपाल टेलिकमलाई धारासायि बनाउनकै निमित्त एनसेलले फोरजी सञ्चालन गरिसकेपछि मात्रै काम अघि बढाउने गोप्य सहमति भएको छ । काठमाडौं र पोखरामा सञ्चालन गरेको भनिएको फोरजी थ्रिजी पनि नभएपछि अहिले लगानी पुरै नोक्सानीमा छ । एनसेलले १ जुन देखि देशभर नै एकैसाथ फोरजी सञ्चालन गर्दैछ । ग्लोबल टेण्डर खोलेर सबै काम सम्पन्न गर्दा टेलिकमका लागि लगभग ६ महिना लाग्ने हुँदा प्रतिस्पर्धी व्यवसायि एनसेलको भन्दा निकै कम आकर्षक टेलिकमको फोरजी सेवा हुनेछ । त्यसका लागि राजभण्डारी, प्रवन्धक ठाकुर र केहि कर्मचारीहरुले एनसेलसँग कमिसन लिएर जनकपुर चुरोट बनाइदिने रणनीतिमा छन् ।

राजभण्डारीको घरमा दैनिक ब्रेकफाष्ट मिटिङ

प्रत्येक बिहान ७ बजे भन्दा अघि नै नेपाल टेलिकमका कुन कुन काममा कति कमिसन लिन सकिन्छ भनेर प्रवन्ध निर्देशक कामिनी राजभण्डारी, उनका श्रीमान् दिगम्बर राजभण्डारी, प्रवन्धक प्रदिप ठाकुर, पूर्व प्रवन्ध निर्देशक अनुप रञ्जन भट्टराई, पूर्व नायव प्रवन्ध निर्देशकहरु कृष्ण घिमिरे र राजेन्द्र नकर्मी पनि उक्त बे्रकफाष्ट मिटिङमा सामेलहुने गर्दछन् । राजभण्डारीको घर होराजन अपार्टमेन्टको अपोजिट रिङरोड बसुन्धारा कल्की मार्ग ३२–४० नम्बरमा मिटिङ पश्चात मात्रै सबै कामको सेडुअल बन्ने गर्दछ । श्रीमान् राजभण्डारी नेपाल एयरलाइन्समा जागिरे रहँदा सुगत रत्न कंसाकारसँगै निलम्बनमा परेर उनी पछि मुद्दा मिलाएका व्यक्ति हुन् ।

भ्रष्टाचारको समर्थन नगर्ने बरिष्ठ डिएमडीहरुलाई सरुवा

कर्मचारी युनियनका नेताहरु कृष्ण अर्याल र मनिल ओझाले पटक पटक सिनियर डिएमडीहरुलाई उपत्यका बाहिर नपठाउन अनुरोध गर्दा पनि राजभण्डारीले प्रतिशोध साधेकी छन् । उनले केन्द्रमै बसेर राम्रो पर्फमेन्स देखाउने विज्ञहरुलाई उपत्यका बाहिर सरुवा गरेर प्रतिशोध साधेकी छन् । तर उनकी छिमकी गुणकेशरीलाई चाँहि राम्रो कमाई हुने ठाउँमा सरुवा गरेकी छन् । आफुले गरेका अनियमितत्ताका ्कामलाई समर्थन नगरेबापत राजभण्डारीले उपत्यका बाहिर पठाएकी छन् ।

एनओसी नेटवर्कको कमिसनमा बार्गेनिङ

मन्त्रीमण्डलको परिवर्तनसँगै आफ्नो पद असुरक्षित ठानेकी प्रवन्ध निर्देशक राजभण्डारीले एन ओ सी नेटवर्कको अपरेशन टेण्डर सेटिङ मिलाउन लगाएकी छन् । वषौ देखि अडकेको टेण्डरलाई सात दिनमै तयार गर्नुभन्ने आदेश छ । एक जना टेलिकमकै कर्मचारीले गुह्य कुरा खोले ।

टेलिकमकै कमिसन खान सञ्चारमन्त्री हुने पूर्व प्रधानमन्त्री डा. बाबुराम भट्टराईको दाबी

धनगढीको एक कार्यक्रममा पूर्व प्रधानमन्त्री डा. बाबुराम भट्टराईले सञ्चारमन्त्री भएपछि नेपाल टेलिकमबाट मात्रै लगभग बिस अर्व रुपैया भन्दा बढि कमिसन खान पाइने हुँदा प्रधानमन्त्रीले आफ्नै आसेपासे व्यक्तिलाई सञ्चारमन्त्रीको जिम्मेवारी दिने दाबी गरेका छन् । डायरी एक्सप्रेस साप्ताहिकबाट ।

Write Comment Below:

यस्ता महिलामा पुरुषमा भन्दा पनी बढी हुन्छ सेक्सको आवश्यकता

एजेन्सी । सेक्स शारीरिक आवश्यकता हो । यसले जीवनको किशोरावस्थामा मात्रै महत्वपूर्ण भूमिका नखेली जीवनकालमा नै आश्वश्यकता महशुस गरिरहेको हुन्छ । यसैबिच हालै गरिएको एक अध्यनले महिलामा यौन चाहाना उनीहरुको पाको उमेरसम्म पनि रहिरहने देखाएको छ

युनिभर्सटी अफ पिटस्वर्गको एक शोधले हालै सार्वजनिक गरेको प्रतिवेदनमा महिलाहरु वृद्ध हुँदै जाँदा पनि उनीहरुमा यौन चाहाना भने कायम रहने उल्लेख छ । उक्त अध्ययनले महिलाहरु आधा उमेरपछि पनि यौनिक गतिविधीमा संलग्न भैरहने र पुरुष भन्दा बढी समय सम्म यौन जीवनमा सक्रिय हुने देखाएको छ ।

.

यस्ता महिलामा पुरुषमा भन्दा पनी बढी हुन्छ सेक्सको आवश्यकता एजेन्सी । सेक्स शारीरिक आवश्यकता हो । यसले जीवनको किशोरावस्थामा मात्रै महत्वपूर्ण भूमिका नखेली जीवनकालमा नै आश्वश्यकता महशुस गरिरहेको हुन्छ । यसैबिच हालै गरिएको एक अध्यनले महिलामा यौन चाहाना उनीहरुको पाको उमेरसम्म पनि रहिरहने देखाएको छ ।

.

युनिभर्सटी अफ पिटस्वर्गको एक शोधले हालै सार्वजनिक गरेको प्रतिवेदनमा महिलाहरु वृद्ध हुँदै जाँदा पनि उनीहरुमा यौन चाहाना भने कायम रहने उल्लेख छ । उक्त अध्ययनले महिलाहरु आधा उमेरपछि पनि यौनिक गतिविधीमा संलग्न भैरहने र पुरुष भन्दा बढी समय सम्म यौन जीवनमा सक्रिय हुने देखाएको छ ।

.

४० देखि ४५ वर्ष उमेरका ६ सय २ महिलामा गरेको अध्यनका क्रममा अधिकांश महिलाहरुले यसको ठूलो आवश्यकता औँल्याएका थिए ।

Monday, May 29, 2017

Write Comment Below:

Write Comment Below:

Write Comment Below:

Write Comment Below:

Write Comment Below:

Write Comment Below:

Write Comment Below:

Write Comment Below:

Write Comment Below:

Sunday, May 28, 2017

Write Comment Below:

Write Comment Below: